El 11 del mez de mayo, fui envitada al Instituto Cervantes de Estambol a un program muy enteresante.
El sujeto era “Patrimonio Cultural Común”: Konversasyon i dialogo entre Turkiya i la EU-II (CCH-II) en mezmo tyempo finansado por eyos. Aplikado por el Ministro de Kultura i Turismo de la Repuplika de Turkiya.
'Judeo-Espanyol': La lingua ke auna las dos partes del Mediteraneo” de CollectivaT, una chika koperativa fondada en Espanya.
En este proyekto lavoran la koordinadora de la Asosyasyon de Investigasyon de la kultura Sefaradi de Turkiya, KAREN SARHON, Özgür Güneş Öztürk, Alp Öktem i Pelin Doğan de COL.lektivaT.
Antes de empesar pasimos al pranso muy ordenado i sintimos un chiko konserto de kantikas sefaradis byen konosidas por la kantadera Fulya Özlem.
La prezentasyon la realizaron Alp Öktem, Pelin Doğan, i Emel Benbasat. El mizmo ekipo prezentaron el proyekto i respondyeron a las demandas de los envitados.
A este evento partisiparon reprezentantes i investigadores de linguas minoritarias de Turkiya, komo el grego, siríako, kaldeo, laz, georgiano, circasiano, kurman, zaza i kurdo, linguas ke se estan desparesyendo. Diskutyeron lo ke se puede azer para ke estas linguas se pueden arshivar en formato dijital porke no se van a avlar en el futuro por siguro.
Todo el evento fue organizado por el Instituto Cervantes de Estambul.
Puedesh topar repuestas en los linkes:
data.sefarad.com.tr.
