LA MUZIKA I LAS EMOSIONES

La muzika une a las personas i dezata emosiones en todo la planeta.

Ke relasion ay entre la muzika i las emosiones?

Desde el prinsipio, los sonidos i la muzika fueron utilizados komo ustansiles de komunikasion i superbivensia por parte de muestros antepasados. El sonido i la muzika siempre fueron atados al ser umano i por tanto, atados a las emosiones. Muestra relasion kon la muzika yega a tal punto ke es kapache de alterar muestro estado emosional.

Muestro meoyo fue evolusionandose i el largo proseso inkorporo los sonidos komo pieza fundamental kon la ke krear patrones djunto a las emosiones i asi, dekodifikar muestro entorno.

Las emosiones son las enkargadas de konvertir los sonidos ke apersivimos en koza komprensivle. Sin darmos kuenta, asosiamos los sonidos ke gozamos, por sutiles ke sean, kon las emosiones. Esta asosiasion sonido-emosion mos aze entender las situasiones en las ke mos enkontramos, permitiendomos de reaksionar segun el konteksto. Por egzemplo, podemos detektar alegria o tristeza en una sola persona kon el sonido de su boz. Digamos ke asosiamos tristeza kon un tono de boz mas basho i kaptura de normalidad i oposision kon alegria. Lo mizmo okurre kon la muzika.

Estudios neurosientifikos demuestran ke la muzika tiene la kapasidad de trokar los estados de animo al aktivar kada una de las strukturas emosionales del meoyo. Eksperimentos se izieron en los ke se troko  la aktividad en praktikamente kualkier estruktura emosional del meoyo grasias a las emosiones stimuladas por la muzika. La muzika es kapache de despertar el nukleo de las strukturas serebrales ke krean muestro universo emosional.

Al eskuchar muzika se aktivan las areas del meoyo ke se enkargan de la imitasion i de la empatia. Son las zonas ande estan las neuronas espejo ke aktuan reflektando las aksiones i intensiones de los otros komo si fueran propias. Puede ser por esto la muzika es kapache de alterar muestras emosiones i krear atadijos sosiales porke mos permite kompartir sentimientos. Podemos enkontrar emosiones konektadas kon la muzika i kon el arte en djeneral donde esta koneksion se ve reflektada grasias al kometa de las emosiones estetikas ke tienen la kapachidad de desplazarse por el universo relasionandose kon emosiones de distinta indole, tanto positivas komo negativas.

Frekuentemente, empleamos las palavras para deskrivir komo mos sentimos pero estas no son bastantes efikases para azer ke otras personas sepan ekzaktamente ke estamos sintiendo, no egziste una korespondensia univoka en el meoyo entre muestras sensasiones i muestros sentros linguistikos, por lo ke tiene ke produsirse una transformasion desde desde muestras sensasiones al kod linguistiko, ke sera diferente en kada uno de mozotros. Kon la muzika es mas fasil la deskripsion sensorial porke kon eya es posivle evokar sensasiones i ke el reseptor entienda perfektamente a ke emosion mos estamos refiriendo. Por eyo la muzika rezulta enormemente util i tiene aplikasiones muy pratikas. Por egzemplo, en el sine la muzika resalta emosiones i funksiona komo una gia ke ayuda al spektador a entender mejor la shena.

(Artikulo bazado en una entrevista de 2011 entre Eduard Punset i Stefan Koelsch, neurosientifiko i profesor de psikolojia de la muzika de la Freie Universität Berlin, Alemania.)