Israel, el futuro de Europa es una fraza ke nunka pensimos ke se iva realizar un diya.
Komo en las mapas jeografikas de la Edad Media, Yerushalayim se esta aziendo el sentro del mundo. En 1948, no aviya bastante agua para mas de 2 miliones de abitantes. Oy kon mas de 9 miliones de abitantes, Israel se konvirtyo en eksportator de agua para sus vizinos arabos.
El muevo estado de Israel estuvo a punto de desapareser. En 1967, los israelianos rekonkistaron los teritorios pedridos i Yerushalayim en 6 diyas, para deskansar en el sieten diya.
Tierras aridas i sin kultivar. Lo ke en 1948 era una tierra arida, komo esta eskrito en la Biblia, se konvirtio en tierra ande korye leche i miel. Ademas, los judios ke, durante milenios, no tenian derecho a kultivar la tierra, se konvirtieron en los mas grandes ekspertos de agrikultura del mundo. Todos los paizes estan bushkando agronomos israelianos para refloreser muestra planeta Tierra.
Los israelianos tienen munchas ideas ma no tienen petrol. Estan utilizando sus materia griza para konvertirsen en una de las mijores ekonomias del mundo. El Shekel, ke konosio una enflasion de 200%, se konvirtio en moneda de referensia enfrente del dolar o del euro. I oy, ke ay una kriza enerjetika global, Israel deskuvrio en sus aguas territoriales muy grandes rezervas de Gaz i Petrol ke van a konvertir en la potensia enerjetika del futuro. Oy, Fransia, komo Europa, se esta aserkando de Israel por su gaz.
El antisemitizmo, muestro mijor aliado. Poder atomiko de Israel, poder militar de Israel, poder ekonomiko de Israel, poder de seguridad de Israel. Todos estos poderes son konsekuensias de un antisemitizmo ke esta ovligando Israel a ser el mijor en todas partes para poder sovrebivir. Fueron eksterminados komo judios, relijiozos i no relijiozos por igual. Los israelianos se konvirtieron en israelianos komo judios relijiozos, i no relijiozos por igual.
Ser judio es ser mantenido de las tradisiones de muestros antepasados a traves muestra dispersion. Tradisiones ke tienen komo kolumna vertebral, la Tora, i komo ADN komun, la vida.
