Avram Mizrahi
Un diya el Baal Shem Tov vino a un pansiyon ,ke se topava muy leshos de la maz serka komunita de djudiyos.Lo aresivan kon muncha allegriya i le lo serviyen kon dulse de la parte de la famiya del patron de la pansiyon."Ande vuestro padre ?"; demanda Rabbi Israel a las kriyaturas . Esta aziyende su orasyon le respondan los chikos .
El Baal Shem Tov se mete a asperar por el patron del pansiyon.
Pasa una ora ,pasa doz oras .Tadre despues de midi sale el patron de su kamerata.Despues de los saludes se eskuza por el tiyempo largo ke paso en su kamerata.
"Yo so un Djudiyo inyorante,tengo difikultad de meldar las reglas de livro de sidur ,sor todo sin los puntos ,no tengo otra manera ma resitar lo de la primera oja fin al kavo,en livro entero kada diya !
Rabbi Israel le dize ,puede ser ke te puedo ayedar .Se asenta por una ora kon el patron del pansiyon ,le mete papelikos chikos eskrividos en Yiddish markando "la orasyon de demanyana","por los diyas Lunez i Djueves "0rasyon por la tadre ","por Shabat" i maz.
Orozo le dize mersi a el Rabbi en dizyendo " Ahora va ampesar a dizir las orasyones komo un Djudiyo komo se deve."
El mizmo diya afita lo ke afita el livro de ley kaye del armuar ande se topava ,i los papelikos ke markavan las orasyones se b(v)olan .
Ay ayay se kesha el patron : " Ken save kuantos mezes va pasar asta para vinir un saviyo ?" Se mete a korer en la direksiyon del Baal Shem Tov kon su livro i los papelikos.
Despues unos kuantos kilometros lo ve a el Rabbi de leshos ke arivo a un rio.Se demanda komo el Rabbi va pasar el rio,en este tiyempo del anyo ,el rio ez profondo i korre kon fortaleza.
Ez para enkomendar al Rabbi ke aga kudyo ,ke lo ve meter un mushuar sovre el rio i pasando sovre la mushuar,si komo ke seya sovre un kupri .
Bir de i el ariva al bodre del rio,mete su mushuar i pasa el rio ,korre i grita a el Rabbi : Aspera,aspera ,no te vayez antez ke markez los lugares en mi livro ,los papelikos kayeron!
Kuando lo oye ,el Rabbi torna i lo ve al patron del pansiyon kon el livro.
El Baal Shem Tov le demanda komo arrivates asta aki ? I en maraviya komo pasates el rio?
Kon mi mushuar ,komo azites tu ; responsa del Djudiyo ,no pensava ke ez posivle en esta manera!
El Baal Shem Tov pensa i le dize el Santo Bendicho es muy kontente de ti en la manera ke azes tus orasyones .Puede ser ke devez a kontinuar a azer tus lores komo izites todo el tiyempo.
