Alhad la noche en la eskola “Ulus Musevi Lisesi” aviya un filmo maraviyozo nomado “OSLO” i projetado por “Seyfi İşman”, ke es un namorado de filmos.
Muy enteresado kon el sinema i los filmos komo en la pintura, “Seyfi İşman” produizo 12 filmos kurtos.
“OSLO” es un filmo bazado enriva de evenementos reeles. Esta pasando en el anyo 1993, i mos esta yevando a la perioda de los Akordos de Pas en Oslo Noruega.
En la istorya, Israel i Palestina es por la primera vez ke se estan topando en Oslo uno enfrente de otro.
Se penso ke las konversasyones puedrian dar fin a los konfliktos entre los dos paizes. Ma este kavzo no avanso en la istorya komo se penso. Komo rezultado, a kavza del komportamyento de Israel, Palestina anunsyo ke anulo el pakto entre los doz paizes.
Filmo reushido i djugado por “Ruth Wilson” i “Andrew Scott” ke tenían en los rolos prinsipales.
Antes del filmo Seyfi prezento a “Eytan İpeker” ke gano un premyo kon el mijor filmo “Kurak Günler” ke tomo lugar en el Festival Enternasyonal de Antalya. Eytan izo el editing de este filmo. Eytan es un mansevo reushido enriva de los filmos dokumentaryos. Tambyen lavoro komo direktor i asistente de direksyon en munchas pelikulas.
· Kompetisyon Turka de Dokumentales i Filmos kurtos de Boston en 2016.
· İstanbul el Festival de Filmos Enternasyonales en 2015.
· Berlin el Festival de Filmos en 2016
· Ankara Festival de Filmos en la kategoriya Nasyonal fue el Finalisto en 2016, i otras reushidades.
Seyfi İşman i el presidente de Hegkom, Hayim Hason dyeron a la ermana de Eytan İpeker una plaket para onorarlo i felisitarlo, porke el esta bivyendo en Berlin, Alemanya.
