El Rabino Rabbi Reuven Israel Kott ke salvo a miles de personas kon su entelijensya i su koraje, era un djenyo de la Torah. El nasyo en 1897 en Polonya, en un kazaliko chiko. Teniya 14 ermanos.
Teniya una entelijensya ekstraordinarya. Fue un savyo de grande talento del Talmud i de las eskrituras djudiyas.
Tuvo el grado de haham kuando teniya 17 anyos. Kada noche de shabbat, Reuven estava asentado al lado del Rebbe.
Reuven fue konosido por todos kon su meoyo grande i su korason grande i fue elijido para reprezentar su komunidad en el konsejo del estado lokal.
El Prezidente de Polonya se muryo en el anyo 1920. Reuven estava kon todos los relijyozos endjuntos delantre la tomba i izo el diskorso komemorativo al nombre de los djudyos de Polonya.
Akel tyempo la vida por los djudyos de Polonya estava buena ma, Ger Rebbe tuvo un sentimyento ke se aserkava a un problem muy grande.
Rebbe kijo ke sus segidores salgan de Polonya, ke se vaygan a Erets Yisrael ke akel tyempo estava debasho el mandato britaniko en Palestina.
Haham Reuven Kott ke era el braso derecho de Rebbe, se dediko i ayudo muncho a los djudyos de Polonya, para ke abandonen la Polonya i ke tornen a sus paizes de sus ansestros para salvarsen.
Los inglezes no estavan akseptando a todos i keriyan solamente unas kuantas famiyas.
Reuven utilizo el sistem burakratiko ke estava akseptando la famiya kon marido i mujer i un nombre indeterminado de kriyaturas. Arekojo moneda i dyo a komer a los fonksyonaryos polonezes para pueder obtenir sertifikados de nasimyentos vaziyos.
Despues, kreo famiyas muevas, i kuando era nesesaryo troko los nombres i las kartas de identidades. Este modo kada famiya iva tener a lo menos 12 kriyaturas.
Reuven disho a las personas ke ayudo ke devian uydear a estas identidades falsas. La majoriya aksepto ma, unos kuantos no uydearon i fueron apanyados.
Un dia, la polisiya lo aferro a Reuven a kavza de malonestedad i dar a komer a los fonksyonaryos. Komo el era un djudyo relijyozo no estava puedyendo komer las kumidas de la prizon ke no eran kosher, i la ija kadal dia le estava yevando a komer indo i vinyendo en kuatro oras.
Unos kuantos mezes despues, el ermano de Reuven se fue a verlo i le demando ke avokato kere para salvarlo.
Reuven le respondyo ke kere: “el avokato el mas antisemito ke egziste en Varshova”.
Su famiya estuvo enkantada de esta repuesta.
El ermano se fue a Varshova i topo el avokato konosido por todos, kon su furyozo aborresimyento de los djudyos.
Kuando fue la seduta del tribunal, le dyeron a Reuven solamente tres puntos para ke avle kon su avokato.
La seduta empeso, el avokato se alevanto, i izo una defensya briyante i gano el proseso.
Todos estavan en shok.
Reuven konto ke se ambezo en el Talmud ke en la ley u en un negosyo, si tomash tres repuestas de “Si” el trato se kompleta.
El rabbi demando tres demandas a su avokato:
El avokato respondyo a todas las demandas, “SI”.
Reuven le disho a la fin: Si me deshas libero, puedo kitar todos los djudyos de la Polonya.
Reuven reusho a lo ke kere i todas las famiyas se fueron a Erets Israel.
Rabbi Kott mostro ke puede realizar miraklos inkreivles en tres kurtos minutos.
Reuven durante 20 anyos ayudo a miles de djudyos para ke se fuyan de la Polonya. Ma malorozamente, el no se pudo ir a Israel. Se muryo en 1942 en Auschwitz.
Estamos komemorando el eroe, “Rabbi Reuven Israel Kott” kon esta eskrita de la kerida Gila Erbeş, un artikolo verdadero. Esto fue una okazyon para mi, de konoser este personaje emportante de la istorya.
Mersi Gila Erbeş…
