Diya de alhad en el Simiteryo de Kilyos asistimos a la Seremonia de los Funerayes de los Cenudi’s. Mizmo si las kondisyones del simiteryo de Kilyos estan mas luksuozos del Simiteryo de Antakya esto siguro ke “Şaul Abi” keria ser enterrado en Antakya i no en Estanbol. Kon Moris Levi, ke mos izo un diskorso sovre los Cenudi’s, mos fuimos endjuntos a Kilyos. Estavamos ayi a las 12.15. La seremonia era a las 13.00. Vide ke aviya una grande djentorya i vide ke mas de 100 o 150 personas estavan aya. Reelmente todos los Antakyalis ke biven en Estanbol estavan aya. Todos tyenen un grande respekto para sus prezidente. El Sinyor Cenudi izo sus estudios en la Eskola Italyana en Estanbol. Era un ombre kultivado, kara riente i le plazia resivir djente a la sinagoga mizmo a su kaza.
Izo todo lo ke pudiya para ke la Sinagoga de Antakya. I kreo ke kada Shabat alkansava a formar el minyan. Ke sus almas repozen en Ganeden!
