Keridos lektores,
Komo savesh, yo eskrivo kozas ke vos aze riyir. Ma esta semana no va ser ansi porke vengo de peryer a mi madre. I esto amargada.
Komo antes de peryerla la yevimos al ospital de Balat, vide la limpiyeza, el mirado ekselente, el komporto bueno del personel.
El kal de Şişli? Un biju.
Lo kero azer una brosh i metermelo en el pecho.
Todos los lavorantes uno mijor del otro. Kero rengrasiar a la Sinyora
Betül Kohen ke se okupo bastante kon mozotros.
Esto estimando muncho a los ke se estan okupando kon todas las
enstitusyones. Esto orguyoza de ver ke todas estan en muy buen estado.
