Se topo una kura emportante para el tratamyento del
kanser de pulmon, ke amingua 50% el risko de esta hazinura
maldicha.
La komunidad “Amerikan Society of Clinical Oncology”
organizo en Shikago una konferensya muy grande, la mas grande ke egziste en el mundo entero. Los rezultados mostraron ke la kura “Osimertinib” amingua el risko de muerte del hazino de 51%.
EGFR-Mutated NSCLC | NEJM" style="position:absolute;margin-left:.05pt;margin-top:.25pt;width:258.9pt; height:193.75pt;z-index:251658240;visibility:visible;mso-wrap-style:square; mso-width-percent:0;mso-height-percent:0;mso-wrap-distance-left:9pt; mso-wrap-distance-top:0;mso-wrap-distance-right:9pt; mso-wrap-distance-bottom:0;mso-position-horizontal:absolute; mso-position-horizontal-relative:text;mso-position-vertical:absolute; mso-position-vertical-relative:text;mso-width-percent:0;mso-height-percent:0; mso-width-relative:page;mso-height-relative:page"> -Mutated NSCLC | NEJM">
El direktor del Sentro Onkolojiko de Yale, Dr. Roy Herbst, avlando de la ovra ke esta dirijando, disho ke es una grande reushita de detektar el 50% del kanser de pulmon ke istorikamente era rezistente al tratamyento.
“Antes 30 anyos, no teniyamos nada para sanar los hazinos. Agora tenemos esta kura muy poderoza”.
Inglaterra deskuvryo esta kura i la “Astra Zeneca” perfeksyono la kura Osimertinib, una melizina ke se toma una vez al dia. El medikamento tyene efektos segundaryos komo enflamasyon pulmonar, diarrea, i otros efektos.
Kada anyo estamos vyendo en la Ingleterra 48.500 kavzos muevos i estos kavzos estan reprezantando el 13% de todos los diagnostikos de esta hazinura maldicha.
Los investigadores se bazaron en 26 paizes entre 30-86 grupos de edad, sovre esta kura, si van a ver provecho u no.
Entre los partisipantes, 25% se aprovecharon.
El Dr. Herbst ke avlo en Shikago i disho ke los rezultados estan emosyonantes porke esta melizina esta aminguando 50% el risko de repetisyon otruna vez de la hazinura. La razon la mas emportante de este kanser malorozamente es el fumo del sigaro. Espesyalmente, se esta vyendo kon la difikulta para respirar i munchas dolores.
En las primeras etapas en jeneral, no esta amostrando sinyos u kualker semptomas. Ma despues un tyempo, estamos vyendo en los hazinos, una tos persistente, tosyendo sangre, no pueder respirar, kanserya, una grande piedrita de pezo ke no se esta puedyendo eksplikar, en tosyendo un sintimyento de dolor, estos todos semptomes…
Kualkier persona ke esta mostrando semptomes asemejantes, deve de konsultar un mediko spesyalizado sovre esta hazinura.
La kura la mas poderosa es la kreensya, es kreer ke te vas a azer bueno. Kreer es reushir.
El kanser no es una hazinura inkurable. Kale perseverar.
El diagnostiko temprano salva la vida de las personas.
Los hazinos kon kanser ekspresan ke el manko de komunikasyon en sus famiyas es un grande problem. Los trokamyentos en las responsabilidades pueden kavzar resentimyento i anksyedad. El apoyo psikolojiko puede ayudar a los miembros de la famiya a ambezar komo deven de salir a bash kon las diferensyas ke salen en medyo.
En mizmo tyempo puede ayudar a los miembros a ambezarsen komo partajar sus sintimyentos de una manera mas komoda.
El apoyo psikolojiko es util para los miembros ke no se syenten komodos avlando sovre sus sintimyentos.
La famiya es muy importante para dar moral al hazino, estar syempre lado kon lado para enforteserlo, i azerlo kreer ke todo va pasar i va ver dias buenos.
