La gratitud, ke es la kalita de ser agradesido, konsiste de apresyar los aspektos no materyalistos de la vida, i la volunta de rekonoser el byenestar emosyonal del den frente.
Esta en relasyon kon la dinamika de dar i resivir. Por egzempyo: Un estudyante ke apresya el esforso de su profesor de matematika para ke entyenda una formula…
El grado de gratitud de un individuo se asosya kon su entelijensya, sus prensipos i su moral. Tambyen es una atitud bazika para la vida en sosyedad, la gratitud ekspresa la nesesidad de la kooperasyon entre los individuos de una komunita i la idea ke es imposivle de bivir sin ayuda de los otros.
Egzempios de gratitud:
La gratitud es dizir grasyas para todo lo ke es importante para mozotros i las kozas buenas en la vida.
El sintimyento de la gratitud es una emosyon profonda ke sintimos kuando rekonosemos los aktos amables, jenerozos, o favorables ke otros izyeron por mozotros.
El ke pasa difikultades en su vida i los rezolve, save la grande valor ke tyene la ayuda de otros.
La mano ke el otro te da, es un verdadero regalo del syelo.
La gratitud es un arte, es una etika de kooperasyon, en lugar de una aktitud de kompetensya u konfrontasyon. Rekonosen ke la ayuda es una valor emportante i por esto no solamente son kapaches de apresyar la ayuda ke resiven, sino ke tambyen estan dispuestos a ayudar a otros.
Komo pratikar la gratitud?
La fuersa de la gratitud es inkreivle, infinito i muy intenso.
Un simple “grasyas” puede darmos una poderoza enerjiya, una fuersa ke mos motiva a bivir mijor i mas orozos, i tambyen a azer mas munchas kozas buenas.
Meteremos esta lista en un lugar vizible de muestra kaza i kada dia adjuntaremos kozas muevas.
La meteremos seya en el mupak, seya en la entrada de muestra kaza, i kada vez ke la vemos, daremos loores al Dyo por todo lo ke tenemos.
Kon tiempo, este egzersizyo se konvertira en una abitud, una rutina ke mos fasilitara tener una vizyon pozitiva de muestras vidas, ayudandomos a apresyar las kozas buenas.
