El antisemitizmo es difisil a definir, porke se ekspresa en maneras kontradiktorias. Antes del Olokosto, detestavan a los judios porke los judios eran proves, porke los judios eran rikos, porke eran komunistos, porke eran kapitalistos, porke guadravan todo para si, porke estavan en todos los lugares, porke tenian antiguas kreensias relijiozas, porke eran kozmopolitanos ke se kreian en nada. No kerer bien a las personas ke son diferentes no es el antisemitizmo.
Si es ansina, kualo es el antisemitizmo? El antisemitizmo no es no kerer a las personas ke son diferentes. Kritikar Israel no es el antisemitizmo. El antisemitizmo es una koza mas danjeroza. El antisemitizmo es un predjudizmo, komo un virus. Este virus bivyo a lo largo del tiempo.
Oy, los judios son atakados por la egzistensia de sus estado, la egzistensia de Israel. Niegar el derecho de Israel a egzistir, es el muevo antisemitizmo.
Oy, el antisemitizmo es vinir kontra los derechos umanos.
Kuando un grupo tiene problemes, les viene difisil de demandarsen “Ke izimos de mal?” La mas fasil koza es de topar una viktima, i echar la kulpa de sus problemes enriva de esta viktima.
Por miles de anyos, los judios fueron esta viktima. Achakes ke eran la minorita no kristiana, los judios fueron detestados en Evropa. Oy, porke Israel es el paiz no muzulmano en el Medio Oriente, Israel es detestado en el Medio Oriente.
El argumento es siempre el mizmo. “Mozotros semos inosentes, los judios son kulpavles. Por lo tanto, si keremos ser liberos, los judios o el estado de Israel deven de ser destruidos. Es por modo de los judios ke los problemes empesaron”.
La repuesta por el antisemitizmo es la inkapasidad de un grupo de akseptar la diferensia.
I porke todos semos diferentes, el odio empeso kon los judios, ma nunka eskapo kon los judios.
No fueron solo los judios los ke sufrieron debasho de Hitler. No fueron solo los judios los ke sufrieron debasho de Stalin. No son solo los judios los ke sufrieron debasho los radikales.
El antisemitizmo es el sinyo de alerta al mundo entero: el antisemitizmo es una grande menaza para la libertad, para la umanidad i para la diferensia.
Mos importa a todos mozotros. Por esto devemos de luchar todos endjuntos.
