Editado por el Dr. Orhan Karaoğlu i el Dr. Nail Elhan, la Libreria İnkılap publiko en Turko ‘Israel: Anatomia Akademika de un Paiz’ (İsrail: Bir Ülkenin Akademik Anatomisi) este mez. El livro reune 28 akademikos i ekspertos konosidos en sus lavores. El livro esta preparado kon la pretension de ser el lavoro mas kompleto sovre Israel en Turkiya.
Los otores de Şalom tambien kontribuyeron al livro kon sus artikulos. Karel Valansi eskrivio ‘Los judios Turkos komo instrumento de politika eksterior’ i Umut Uzer eskrivio ‘De ken es la kapital, Yerushalayim? Demandas i debates sovre la sivdad santa.’
El livro descrive Israel al lektor Turko en diferentes areas komo istoria, kultura, ekonomia, seguridad, politika eksterior i relijion, de manera akademika, objektiva, aleshada de teorias konspirativas. Se puede merkar el livro en Gözlem Kitabevi i en varias librerias.
