“Mustafa Kemal Atatürk” el fondador de la Republika Turka, sirvyo el paiz en lavorando komo Prezidente del anyo 1923 a 1938, kreando novedades para adelantar el paiz.
Sus palavras emportantes:
· No ay problem ke la razon i la lojika no pueden rezolver
· Izimos munchos echos grandes en muy poko tyempo. La baza de estos grandes echos es, el eroizmo turko i la republika Turka kon la alta kultura turka.
· Mi erensya spiritual es la sensya, i la razon.
· Yo mizmo en las gerras no guadro enemista. Solo penso ke las reglas militares se apliken komo kale.
· Si estash entendyendo mis penseryos, esto ya me abasta.
· Para detener el governo en pyez, los ke pensan ke la relijyon es nesesaria, son dirijentes debiles.
· Mi puerpo siguramente ke algun dia se konvertira en tyerra, ma la “Republika Turka” bivira syempre.
· Si un dia mis palavras kontradizen la sensya, eskoje la
sensya.
· Para todo en el mundo, por la sivilizasyon, por la vida
por la reushita, el mentor el mas verdadero es la sensya.
· Una nasyon ke no pinta, i no aze skulturas no tyene lugar en el kamino del progreso.
· En un paiz ande no ay la liberta, ay la muerte. La baza de todo el progreso i salvasyon es la liberta.
· Lavorar no es kansarse en vaziyo, sudar en vaziyo. Es nesesaryo aprovechar al maksimo la sensya, la teknolojiya i todos los tipos de inventos sivilizados.
· Ay dos “Mustafa Kemal Ataturk”. El uno so yo, karne i gueso. El “Ataturk” temporaryo. El sigundo “Ataturk” no lo puedo ekspresar kon el byervo “yo”. “El no es yo, es mozotros”. El, es una komunita entelektual, i gerreyadora ke lucha por ideas muevas, mueva vida i grandes ideales en kada kanton del pais.
· Eduka los mansevos. Dales ideas pozitivas de konosimyento, i savidurya. Kon eyos alkansaras el briyo de tu futuro.
· Pas en kaza, pas en el mundo.
· Es nesesaryo de kreer ke todo lo ke vemos en el mundo, es la ovra de las mujeres.
· Una nasyon ke toma la muerte al ojo, por su vida i su liberta nunka sera derrokada.
· La pyedra se rompe, el bronzo se dirrite, ma el turko es eternal, immortal.
· La mas grande gerra, es la gerra kontra la inyorensya.
· No tenemos menester de nada, solamente tenemosmenester de una koza. Ser laboryozos!...
· La Republika Turka sera feliz i viktoryoza syempre.
· La independensya es el derecho de las sosyedades ke saven murirsen por eya.
· Profesores, la mueva jenerasyon es vuestra responsabilita.
· La independensya de la nasyon se salvara kon la desizyon fuerte i la rezistensya de la nasyon.
· La soverenedad apartyene inkondisyonalamente a la nasyon.
· Los ke obtyenen benefisyos ekonomikos de la relijyon son personas repunyantes. Estamos en kontra de esto i no lo permetemos.
· Muestro prensipyo es, un kamino de pas, ke no esta en kontra de las otras nasyones.
· Mozotros los turkos, somos una nasyon ke izimos un egzempyo de liberta i independensya a lo largo de muestra istorya.
