Aze pokos anyos tuvimos una pandemiya ke se yamava Wuaydemi Pandemi Kovid. Una palavra ke tyene su orijin en el vokabularyo de los Nativos Indios Amerikanos.
Wuay de Mi toko a todo el mundo. Wuay de Mi tomo el pan de ti i de mi, sin tener aman. Agora, komo ya savemos las raises de la palavra Wuaydemi, vamos a pasar a un artikulo totalmente diferente.
A mi me plaziya muncho saver sovre los Safaris, i las Tribus de los Indios Amerikanos ke eran los primeros abitantes del kontinente. Sonyando tambien del Safari, sin armas, me topi en supito entre las tribus Indio Amerikanos. No me esto akodrando, si eran Sioux o Apachis. I ya entri a una de estas tribus, ama me aviya olvidado de trokar de vistimienta, i poko kedo ke me ivan a matar, kreyendo puedeser ke yo vine a atakarlos.
Metohanna, no me estan entendiendo, i yo koryendo me fuyi komo una filecha sin mirar detras de mi... Me troki presto presto kon la vistimyenta ke tenia de los Apachis. Ansi ya me akseptaron komo una de las suyas.
Los nombres ke tenian me paresiyan muy chistozos, komik al ekstremo, ama me ambezi ke tenian sinyifikados profundos, i los nombres ke davan a los resin nasidos eran muy bien eskojidos i pensavan afektar sus futuros. I ya me ize una de eyos.
MERHABA WATA! Konversimos solo yamandolos kon sus nombres.
Kuando torni, me vino al tino ke si fuera Kazamentera, en sus linguas Kazamin Tawa, Ken kon Ken se puediya kazar i koshuegrar!
Ya topi, EWREKA WATA, EWREKA WATA, los nombres i sus sinyifikados, i una mansevika kon un joven...
I ARA WA = Mujer de las aguas, kon TA HO MA = El ke da las aguas.
El rezin nasido se yamara "Suluu wata"!
POKA HONTAS = Ijika avyanera i savroza kon YEE HO = Grande Lider Superior
El rezin nasido se yamara "Nasido en kama de oro".
IRA KEMA = Mushos de miel... KE OKUK = El ke es atento i kon muncha prekosyon. Yaman al bebe "Presyado de la WaWa TaTa".
KAWI SEN HAWE = La ke Apanya el Yelo
TE KUM SEHW = El panter ke atraversa el sielo i el meteor, kaji ‘Ellon Musk’
El Bebe de estos dos va ser yamado: "Ell Wata Muskh"
METHO AT ASKE = La tortuga paryendo guevos.
OY ATH LAAY = El ke bosteza - Nasyeron buchukes i los yamaron: Wiyene Mas kon Wengo Wengo
Para los ke dezean, les puedo mandar un ID para kursos privados en Indio Amerikano.
