Okuparse de la muzika ayuda a protejar la salud del meoyo en edades avansadas.
En una investigasyon ke se izo en la Ingleterra, se vido ke partisipar a la muzika mantyene la memorya enerjika en los aedados. En esta investigasyon, se aklaro ke los ke estan tanyendo el piano u byen el org, vyeron un provecho mas grande entre los ke oyeron solamente la muzika. En la investigasyon, rezulta ke las personas ke meldan las notas regularmente, tyenen mijor memorya numerika, en komparando kon los otros ke se okupan solo de la muzika.
Spesyalmente tanyer un instrumento, esta kreendo efektos emportantes en el meoyo. La muzika esta djugando un grande rolo para aminguar el risko de la demansya de las personas.
La muzika puede ayudarmos a diminuar el stres i la anksyedad, a mijorear muestro estado de alegriya, emosyones i travmas, aminguar la dolor en las hazinuras kronikas.
Los efektos en el meoyo pueden tener benefisyos fizikos i psikolojikos. Por egzempyo, la muzika trankila puede kontribuir a estados de alegriya mas trankilos.
La muzika ayuda a kanalizar las emosyones i se utiliza tambyen komo stratejiya terapeutika para el tratamyento de las kondisyones mentales, komo la depresyon i Alzheimer ke pueden provokar el fonksyonamento neurolojiko.
La muzika aktiva puede produsir kavzas kardiakas i respiratorios.
Una investigasyon de la Universita de Helsinki, mostro ke la muzika klasika es muy efikas por la fonksyon serebral. Oyir la muzika klasika provoka la aktividad serebral en todas las edades.
Los 10 benefisyos de la muzika son:
Kual es el objektivo prinsipal de la muzika? Se estima ke la muzika es muy emportante para el umano i le permete ekspresar alegrias, sentimyentos muy profondos de tipos diferentes.
La muzika ke es un langaje universal permete de kanalizar estos sentimyentos i azer ke la persona alivyane sus penas. Oyir muzika ayuda a regularizar emosyones i krea felisidad en la vida diaria. La muzika es un arte ke permete reanimar diferentes konseptos i ekspresyones a traverso del sonido. Eya enfortalese la memorya, regula los hormones ke tyenen relasyon kon el stres, permete de akodrar los rekuerdos.
Los benefisyos de la muzika son inombrables. Es el mijor enstrumento ke se utiliza komo una forma de nostaljiya.
La melodiya i la armoniya de una kantika puede kontribuir a un golpe emosyonal. Una melodiya yena de trankilidad puede evokar sentimyentos de tristeza.
Una melodiya rapida i alegre puede krear una sansasyon de emosyon. Otro faktor ke puede enfluensar la muzika es el konteksto kultural i personal en el ke se oye.
En munchas kulturas, la muzika es una parte emportante del modo de vida de la djente, en los rituales relijyozos, en las seremoniyas i otros evenimientos.
Por egzempyo en el kazamyento, la graduasyon de la universidad, en las aktividades sosyales i kulturales, la muzika tyene un grande rolo.
