La agua es la vida. La agua es la formasyon la mas grande de muestro mundo.
La agua, es el mediador perfekto de la vida i la muerte, de la salud i la enfermedad, de la kreasyon i de la destruksyon.
La agua da vida a todo, desde la kreasyon del mundo, a kavza de la kontaminasyon del entorno esta sufriyendo. La agua es el simbolo de la vida sana. La agua yagladea todos muestros organes i todas muestras artikulasyones.
La agua es una ayuda muy importante para ke muestros múskulos, korason, todas muestras células i órganos fonksyonen efektivamente.
La agua es un magnifiko likido ke alimpya el interyor i el eksteryor de muestro puerpo i elimina las toksinas i las sostansyas venenozas de muestro organizmo.
La agua es komo el oksijen en el ayre ke respiramos.
Los oseanos ke son las grandes rezervas de agua del mundo, transportan la kalor del ekuador a los kontinentes i distribuen vida i vitalidad a las rejyones mas yeladas.
Muestro meoyo uza el 80% de la agua de muestro puerpo.
La agua ke traye el dinamizmo i la fuersa a todo lo ke toka, transporta konosimyentos i enformasyones al meoyo i otros lugares nesesaryos, permetyendo de akumularlos i utilizarlos kuando va ser menester.
El 97% del puerpo de un bebe muevo nasido, el 75% del puerpo de un adulto sano, el 65% del puerpo de un aedado es “AGUA”.
Aunke la persona puede suportar la ambre durante una semana sin komer, no puede suportar la mankansa de la agua durante mas de unos kuantos dias.
El sonido de la agua tiene propiedades terapéuticas i es un sonido que tiene valor terapéutico.
La agua repoza. Kuando mos kansamos, sudamos, mos espantamos, sintimos el menester de bever agua. Esta nesessidad es la nesessidad del puerpo.
Kale azer muncha atansyon a las aguas suzyas. En el anyo 1966, las hazinuras ke uvo a kavza de la diare, 2.5 milyones de personas, grandes komo chikos se muryeron.
Si no mos sintimos bueno no kale asperar i bever agua immediatamente.
La agua es la unika bevida ke tyene el pueder de afektar pozitivamente el mundo spiritual de una persona en poko tyempo.
La vida no puede kontinuar sin la agua.
Si no bevemos la agua menesteroza por muestro puerpo, lo ke komemos no se absorba. Los intestines no pueden lavorar komo kale i esto es un grande problem.
Munchas hazinuras provyenen de la mankura de agua en el puerpo. Por esto azeremos esforso para bever a lo menos 8-10 kupas de agua kada diya.
