Kualo es Shavuot? Shavuot es una fiesta judia en el aniversario del dia kuando Moshe tomo la Tora en el Monte Sinai. Shavuot viene duspues ke se konto Omer 7 semanas. Por esto la yaman la Fiesta de las Semanas.
Shavuot sinyifika “semanas” i se yama ansi porke viene despues de kontar 49 dias (7 semanas) a partir del segundo dia de Pesah; kada dia viene mas preparado para esta selebrasion spesial.
Shavuot es una fiesta de dos dias. Despues ke se konta siete semanas, se selebra el sejen i el sieten dia del mez ebreo de Sivan, ke kaye a la fin de mayo u en el empesijo de junio en el kalendario gregoriano.
En Israel, Shavuot se fiesta solo un dia, empesando antes la echada del sol i se eskapa la noche del dia sigiente. En la diaspora, es una fiesta de dos dias, ke se alarga otras 24 oras.
Shavuot se selebra todas las noches, asendiendo kandelas, kedando espierto las noches, estudiando la Tora, oyendo los Diez Komandamientos durante los servisios de la sinagoga i komiendo komidas de fiesta, ke son produktos de leche.
Komo los otros dias de fiesta ke no es permetido de lavorar, no se permete lavorar en Shavuot, solo se puede aparejar komidas.
Deke se kome produktos de leche? Una eksplikasion es ke la Tora se kompara a la leche i miel, i los produktos de leche sembolizan la dulsurya i la rikeza de la Tora.
La istoria de Ruth tiene lugar durante la rekolta de la sevada, ke koensida kon el tiempo de Shavuot. El viaje de Ruth para konvertirse al judaizmo i unirse kon el puevlo judio se konsidera komo un egzemplo de devosion i fidelidad a la Tora.
Los Israelianos kedaron espiertos noche entera i kedaron durmiendo la demanyana porke ivan a resivir la Tora.
Los Diez Komandamientos se meldan komo parte de los servisios de demanyana del primer dia de Shavuot. Komo munchas kreaturas asisten a este servisio, se sirve dondurmas para las kreaturas i produktos de leche a los grandes.
El Rabi enkoraja todos los judios a azer todo lo posivle para vinir a la sinagoga i oyir los Diez Komandamientos de la Tora.
Los kostumbres de Shavuot son dekorar las kazas i las sinagogas kon rozas i plantas, ambezar la noche entera, oyir los Diez Komandamientos, komer produktos de leche i meldar el Livro de Ruth.
Yizkor se dize komo una parte de los servisios de demanyana del segundo dia de Shavuot (en Israel, komo solo ay un dia, se dize en este dia, despues de la lektura de los 10 Komandamientos).
