Oy en estas oras de apreto
Me akodro del pasado
Ande yo i mi kerido marido
Mano en la mano unidos
Kon plazer miravamos
Estanbol kaminavamos
Antes ke no seya
Blokes de beton i piedra
Kuando el sielo se viya
El ayre se sintiya
X X X
Kuando la estreya briyava
I la noche arelumbrava
Oy del Haliç mirando
Kon eskarinyo akodrando
Lagrimas yorando
Los anyos pasando
Kon amor i nostaljiya
İstanbul sivdad miya
Te auguro alegriya
