El ombre bastante vyejo. Kere selebrar el aniversaryo de su mujer ke también esta bastante vyeja. Va a la patiseriya i da la komanda de un buen gató.
El patisye le demanda: Keres eskrivir una koza en el gató?
El ombre responde: Eskrive ansi: “Ya se ke estas kansada, yene estas mas ke buena”.
El patisye le demanda: “Komo lo keres eskrivir”?
El ombre responde: “En dos linyas: Por ensima: "Ya se ke estas kansada”, por debasho: "Yene estas mas ke buena”.
El diya del aniversaryo vienen munchos envitados i el patisye traye el gató kon kandelas i maytapes. Todos meldan lo ke esta eskrito en el gató kon una kaligrafiya elegante:
POR ENSIMA YA SE KE ESTAS KANSADA
POR DEBASHO YENE ESTAS MAS KE BUENA
Todos se pishan de la riza. Ama la mujer se eskonde de la verguensa.
