En kontinuasyon del artikolo sovre Sir Moses Montefiore, este ombre ekstraordinaryo vos damos una kantika de Yehoram Gaon ke fue dedikado a su nombre:
SIR MOSES MONTEFIORE
Kuando Sir Montefiore teniya 80 anyos
Andjelos blankos vinyeron a su kaza.
Se pararon a su kama i disheron:
"El Santo, Bendicho Sea,
Kere ke vengas a El."
Montefiore respondyo egzaktamente de esta manera:
"Pardoname, Sinyores, ma esto reelmente okupado.
Muestros ermanos en el mundo entero tyenen munchos problemes.
Ay un pogromo en Rusia, komo, no los va ayudar?
Ken, si no yo, ayudara a todos aki?
Koro
Suvyo a su korrosa dizyendo "diyo!" a los kavayos
I ofresyo un regalo sekreto aki, una donasyon aya,
Aki un pilishko en la kara o una karesa amoroza.
I todos los Djudios sintyeron felisidad i orgolyo.
Todo los onores al Sir!
Kuando Sir Montefiore teniya 90 anyos
Le disheron,
"Alevantate, ariva te demandan".
El les demando: "Dize me, komo puedo azerlo?
Komo se va alevantar el libelo de sangre en Damasko?
Alguno deve irse al onoravle Pasha para dizirle:
"Ke verguensa! Komo permitites tal koza!
I otro alguno deve meterle un punyado de bakshish en su mano
Un grande regalo, ma ke dingunos no se va apersivir!
Ken, si no yo le dara esto al Turko?
Suvyo a su karosa...
I kuando Sir Montefiore kumplio 100 anyos
Disho: "Ya basta, mi alma ya se arto.
Ya se gasto miliones de liras, frankos i beshlik
Ma para los Djudios esto nunka es sufisyente".
Le disheron: "Sinyor, ven i mira".
Se deve fraguar otro lugar para la Tomba de Rachel
Ay ke alevantar la Pared de las Lagrimas
I se deven trayer mas Djudios a Nevei She'ananim.
I ken si no tu, mi kerido maestro?"
Suvyo a su karosa...
I kuando el Sir kumplyo sien i un anyo mas,
Los andjelos le dyeron un bezo final.
I asi, serro los ojos demandando
Solo ke tenga una pyedra de Yerushalayim debasho de su kavesa.
Entornado en un talit de seda, deskansando en su serkolyo
Sir Moshe kompleto su ultimo viyaje.
Ma ay djente pronto a djurar.
Ke a las vezes, de noche, kuando todo esta oskuro
Vyeron a Sir Montefiore aryento de su karosa.
Suvyo a su karosa...
