Ay muncho tiempo ke no voz estava eskrivyendo los viyajes ke ize aryento da la Turkiya. Oy voz kero kontar el viyaje ke izimos kon el grupo de "Sinagog İlahileri Korosu" Tomimos invitasyon del Ministro Kultural para dar un konser en Konya. Primera vez ke me iva irme a Konya. Estava muncho Entusiasmado. Empesi mirar al youtube ande mos puedemos ir ande puedemos kaminar i ver lugares turistikos. Ya ize una lista bastante. Porke solo por 3 diyaz estavamoz indo. El program del viyaje estava empesando de Söğütlüçeşme. Porke mostavamos indo kon el treno YHT. Partimos alaz oraz 12.00 i ayegimos kaji alaz oras 17.00. El kamino paso muy ermozo, avlando kon el grupo ke i vamoz dar el konsrto del Mistik Müzik Festivali. Kuando arivimoz mos tomo el ofisial del treno, i moz yevo al otel NOV ke i vamoz kedarmos 2 noches i 3 diyas. En el kamino mos estava kontando i dandomoz esplikasyones el sinyor por el sivdad de Konya. Despues ke arivimoz al otel deshimoz laz valicaz ala kamareta i abashimoz al kafe del otel para eskansar un poko fina laz oraz ke i vamoz a komer por la noche en el otel. Despues de komer tomimoz un taksi i vinimoz al sentro del la sivdad. Komo me ambezi del Reception por ande puedemos kaminar komo me disho vinimoz al Alaaddin Tepesi. Estava la vista muy ermozo del miskita. Un poko kaminimoz i tomimoz enfermasyones de este miskita mos fuimos ala kaye kese yama Zafer caddesi. En el kamino mos enkrontimoz kon İnce Minare medresesi. Aki esta Agora uno museo ke se yama "Taş ve tahta sanatları müzesi" La kaye Zafer paresiya komo Beyoğlu. De aki vinimos al "Kültür Park" aryento de este park aviya restorantes, kafes, pisinas kon fuentes i tambiyen una miskita ke se yamava "Hacı Veyiszade Cami" En kaminamdo ya apanyimoz las oras 24.00 i tornimos kon un taksi al otel.
Al diya, despues ke izomoz el dezayunu en el otel maraviyozo, mos tomo el ofisiyal para kaminarmoz la sivdad. Moz yevo a unos kuantos lugares turistikos. Komo Alaaddin tepesi, Mevlana Türbesi, Şems-i Tebriz Türbesi, Karatay medresesi, al Charshi ke aviya aryento la miskita Aziziye ke se fruago komo estilo Barroko. El bazar ke se yama "Kadınlar Pazarı" paresiya komo el bazar de Barcelona La Boqueria. En Konya ay de ver i kaminar maz otros lugares ma no teniyamos tiempo muncho. Afura dela sivdad ay Kelebekler Vadisi, Bilim Merkezi, el museo Konyanüma Panorama, La guerta Kyoto Japon bahçesi, La İglesia Elenia, Nasreddin Hoca türbesi, la kaza ke ez agora Atatürk müzesi.
El grupo alaz oraz 14.00 mos topimos enfrente del Mevlana Türbesi ke aviya el Restorante Maruf Türbeönü lokantası. Moz diyeron las komidas espesyales de Konya. Komo Etli ekmek, Yağ somunu, Bamya chorbası, küflü peynir ets. Moz disheron el maz savrozo Etli ekmek i kon küflü peynir kese aze el Yağ somunu ke es un pide se kome en el charsi en Hasan Shendağlı. Despues de komer tornimoz al otel moz aparejimos par el konser ke izimoz aryento de Tantavi han ke ez agora un museo kultural. Despues del konser estavamos kansados salimos al roof del otel ke aviya aya muzika biva no moz plazyo muncho i abashimoz abasho para echarmoz. Ala demanyana mos fuimos de muevo al charsi para tomar unaz kozas komo küflü peynir i dulsuryas spesyales de Konya. Ala türbe de Mevlana i Şems. Ya vino ora de tornar partimoz de Konya para Estanbol kon treno. Estava muy feliz de konoser otrun muevo sivdad.
Viajar es una pasion.
