Un ombre se aserka de su amiga i le dize: Ven djugaremos un djugo. Yo te va demandar una demanda. Si no la saves me pagas 5 liras. I si yo no se tu demanda, te pago 1000 liras.
La chika aksepta i el le demanda: Ke es la distansya entre el mundo i la luna? La chika avre su portmone, kita 5 liras i sin dizir nada paga su devda.
Agora es tu torno, demandame le dize el ombre. I la chika le demanda: Kualo es lo ke suve ariva kon tres pyes i abasha abasho kon dos pyes? El ombre asumbrado bushka en el chat gpt, en el internet, en las ansiklopediyas i a la fin avre su portofolyo, kita 1000 liras i le paga a la chika. Kon grande kuryozidad bushka a saver la repuesta.
La chika avre su portmone, kita 5 liras i sin dizir nada paga su devda.
Kon las mujeres no se sale a bash!
