Keridos Lektores,
Esto kontinuando a las perashas del livro de
“Moris Levi”, ke las auno kon unas istoryas appropriadas a estas perashas.
VAYIGASH:
El grito: “Kita afuera a todos”. Empeso a yorar kon una boz tan fuerte, los Ejipsianos lo oyeron.
Yo so, Yosef disho. Yo so vuestro ermano Yosef. Me aviyash vendido a los Ejipsianos, vos akodratesh?
No topesh kulpa a dingunos. Agora apresuravos. Dizi a mi padre: “Tu ijo Yosef disho: Ven a mi – no te detengas!”.
SHEMOT:
“Ser, o no ser, esto es la demanda:
Es mas noble para muestro pensamyento de sufrir,
A los punyos del destino kruel,
O persistiras kontra las mares de problemes,
O dizir ya es sufiziente?
VAERA:
“Un ombre kuantas vezes deve de mirar ariva.
Para pueder ver el syelo?
Si, para pueder oyir los yoros de las personas, kuantas orejas deve de tener?
La repuesta, soplando kon el ayre, bolando en el ayre.
MISHPATIM:
“Si el esklavo dize:
“Kero byen a mi senyor, a mi mujer, i a mis ijos. No kero ser libre.”
Su senyor lo va trayer a la puerta, le va avrir un burako en la oreja, i el esklavo va kedar la vida entera su esklavo.
BESHALAH:
La grande partida de las personas danyan a los otros por espanto i resentimyento.
Syempre ay dos linyas en la naturaleza. La una es la sima, la otra es el fondo.
Los ke ayegan a la sima, kayen porke no pueden ayegar a lo mas alto.
Los de abasho, komo no van a pueder kayersen mas al dip, se enaltesen.
Agora estamos vyendo ke en la naturaleza ay una progresyon del byen al mal, i del mal al byen.
YITRO:
Resiviras muestras novelas antes de ke te las digamos,
Vyenes de un viaje de syete anyos sovre alas del pasharo.
Entyendes del langaje de muestros ojos,
Tu konoses el sekreto de muestras manos.
Te riyes komo un livro onesto,
Alimpyas la sudor de muestra frente.
El se va, este se va, el otro se va,
La amista, el amigavle, tu te kedas a muestro lado.
MISHPATIM:
De las pinturas de Leonardo da Vinci, se puede ambezar, munchas kozas para la vida.
Da Vinci, es el antepasado de la teknika del Sfumato. Esto sinyifika mesklar las kolores kon muncha delikateza, para ke se mesklen.
Da Vinci esta dizyendo: Devemos de auzarmos a bivir i lavorar en kondisyones de evolusyon i insertidumbre.
Solo mantenyendo muestra trankilita puedemos tener una mente efikas i sana, puedemos pasar de una situasyon a la otra sin ezitar.
TERUMA:
Si te demandan de barrir las kayes, barre komo la pintura de
Michelangelo, u komo Shakespeare ke eskrive poezias.
Barre tan ermozo, ke todos en la tyerra i en el syelo se detengan i digan: “Aviya un grande arrekojedor de syerkol ke aziya muy byen su echo.
TETSAVE:
La ambisyon por la pozisyon ennuvla el pensamyento, endurese el korason, aze la djente hipokrita.
Alkansar a una pozisyon alta no es sufiziente, lo prinsipal es ser dinyo de eya.
Kualkiera ke no vea en si mizmo el poder de utilizar su pozisyon para el byen, no deveria kererlo.
KI TISA: Aleksandra ke era la prinsesa de Galles i bivyo en el 19en siglo, es konosida komo una ikona de la moda por las mujeres de toda la Evropa.
Todo lo ke vistiya era imitado.
En su manseves paso un rumatizmo muy fuerte, kuando empeso a koshear, uzando un baston por un tyempo, empeso a kaminar inklinandose.
Lo ke es kuryozo es ke, algunas mujeres pensaron ke estava al punto de krear una mueva moda, i empesaron a koshear de la mizma manera, uzando un baston komo eya.
