En primero un benadam, padre, marido, un ombre aryento del publiko, maestro, savido, entelijente, Rav, i treser Hahambashi de Turkiya se yama Rav İsak Haleva.
Teniya una estorya mas o menos kon todas las personas de la komunidad Djudiya, los ninyos eran muy valorozos por el. Era Amoré por esto kon los chikos, i kon los mansevos era komo amigo, el amor en lugar del kastigo fue su filozofia. Nasyo en Estanbol en 1940; kuando eskapo la Akademiya Teolojika, Porat Yosef de Yerushalayim, se izo Rav en 1961.
27 anyos era maestro de la eskola Djudiya, i dospues de 41anyos, kuando muryo el Hahambashi David Asseo al lugar de el Rav İsak Haleva se izo Hahambashi en 2003.
El titulo ke resivyo no le troko nada de su personalidad, kon su modestia, toleransya i kon la konfiyensa ayudo a ke la relijyon, ke es un tema delikado, ganar un lugar en el korason de todos. Era amante de la paz, le plaziya azer shakas, kuando eramos mansevos, syempre para dar un konsejo kontava una konseja i dospues mos diziya ya entendimos pasha.
En 14 Enero 2025 mos desho la buena vida a mozos i lo tomaron a Gan Eden, es un grande piedrita para muestra komunidad. Los rangos nunka estan vaziyos, muy presto se yenan, ma su lugar no se yena fasilmente.
KE SU ALMA REPOZE EN GAN EDEN!
