Antes 3 semanas muestro kerido Yako Pase, mos desho la vida buena. Marido kerensyozo, padre de sakrifisyos, amigo bueno, un ombre syempre lavoryozo. Todos, de chikos a aedados syempre se van akodrar kon su kara riente. Nunka no aziya konsesyones de sus prinsipyos. Afilu en su echo, afilu en sus relasyones entre su famiya todo kon djuzgo. Saviya dar respekto a todos. Saviya la Tora i le plaziya ambezar sovre la Tora. Syempre teniya relasyones limpias i serkanos en su ofisyo, en su famiya i en sus amigavles.
Su famiya syempre lo vamos a akodrar kon muncho eskarinyo i kon los ermozos rekuerdos ke mos desho. Ni yo ni mis ijos no tenemos palavras sufisyentes para eksplikar este piedrita.
Munchas grasias a todos los keridos, muestra famiya, muestro amigavles kerensyozos, vizindados, todos los kolaboradores, de leshos o de serka ke komunikaron kon Yako, no mos desharon solos en estos diyas fuertes. A todos munchas grasias por sus akompanyamentos, donasyones, koronas, kartas, por bushkarmos dia i noche kon telefonos.
En estos diyas piedrimos i a muestro onorable Gran rabino Yitshak Haleva, muestro maestro de Tora de “Mahazike A Tora” ke mos engrandesimos kon el. Estamos mandando muestras kondoleansyas a la famiya Haleva i a toda la komunita djudia.
Baruh Dayan A Emet. Ke repozen en Ganeden entre los Andjelos.
