Para bivir una vida buena i ermoza kale saver la konstitusyon de la vida, para evitar las difikultades, i para tomar plazer de la vida. Ay 42 konsejos en la konstitusyon, agora veremos kualo son.
1- Konosete bien a ti mizmo primero 2- Ke no te importe lo ke la djente pensan de ti 3- Nada es mas importante de ti i de tu salud, 4- Agradese lo ke tienes kada dia al despertar 5- Bive akseptando las realidades de la vida para ke tu vida sea mas fasil 6- Syempre toparemos tyempo para mozotros, porke semos importantes 7- Auzate a azer kozas ke no te gustan 8- Syempre enfrenta tus espantos 9- Syempre estate derecho, amostra ke estas fuerte 10- Nunka no pyedras la esperansa 11- Ganate muevos uzos en tu vida i pratikalos 12- Pensa en el futuro i avansa avagar, avagar, no presto presto 13- Espertate presto, para ganar el diya 14- Durmir es importante, no piedres el tyempo 15- Aparta un tyempo para pensar todos los diyas, para entrenar el meoyo 16- Deves pueder separarlo todo, i organizar la famiya, el echo, los viyajes, los amigos i el tyempo en konsensya 17-Sal a kaminar kuando topas tyempo 18- Aze egzersizio todos los diyas, para ke este tu puerpo sano 19- Saver dizir, lo poko es bueno, mas de muncho, 20- Auzate a una diyeta saludoza 21- No te olvides ke en la vida todo se puede trokar 22- Syempre kale ke estes pozitivo 23- Elimina las personas negativas de tu vida 24- En primero tu te vas azer orozo, para ke puedas azer a todos orozos 25- Syempre mira a ser sosyal 26- Syempre topa muevos pasatyempos 27- Si no estas orozo de lo ke estas azyendo eskapalo, mete punto 28- No te olvides de partajar la vida 29- Deves tener amigos en la vida, amigos para syempre 30- Partaja todo lo bueno, i lo negro kon tus amigos 31- No kedes por nada solo 32- Auzate de ser orozo kon chikas kozas 33- Bive una vida frugal pensando a amanyana, sin grandezas 34- No pyedras el tyempo para kozas vaziyas, porke el tyempo tyene valor. 35- No metas todos los guevos en el mizmo sesto, si se kaye se va todo 36- No te olvides de krear solusyones, aze la vida mas fasil 37- Trata a los de mas komo keres ke te traten a ti mizmo 38- Komunikate kon el mundo, no te aleshes 39- Auza azerte komo la agua, adaptate a todo 40- Ke riyas syempre, para ke la vida tambyen ke te riya a ti 41-Nunka agas kozas si te vas a arrepintir 42- Aze atansyon a las palavras ke salen de tu boka, nunka no vyenen atras.
Puedeser ke kada diya de la vida no es ermozo, ma ay una ermozura, eskondida syempre en kada diya, lo ke importa es ke tu la puedas ver. No es posivle de muevo vinir, i alimpyar lo ke bivimos, por esto toma gusto de la vida.
