Can Evrensel
Trushimos el biervo kashón de la Espanya ande sinyifikava lo mizmo. Se eskrivía "caxón". Viene del biervo "caxa" (kasha) i el sufikso -ón. En el espanyol antiguo "caxa" (kasha) kería dizir i kasha i kutí. Vino del katalan viejo "caixa" (kaysha) y esto del latino "capsa" (kapsa).
Al prinsipyo, capsa se dizía a los kutís de tavla, espesialmente para tashirear livros. Poko a poko, i a las kashas de frutas empesaron a yamar "capsa". I ansina, kon el pasaje del tiempo su senso se ancheó i kulanearon este biervo por todo modo de kasha u kutí.
Es muy enteresante ke el orijin del biervo "capsa" es el verbo "capere" en Latino. Capere es "kapmak" en turko i arrevatar en espanyol. De "arrevatar" komo vino a sinyifikar "kutí de livros" es una demanda ke se kere demandar.
