Alp Etensel
El Orfelinato de Büyükada o El Orfelinato de Prinkipo es la mas grande estruktura de lenya en Evropa, i la segunda mas grande estruktura de lenya en el mundo.
Este edifisio fue konstruido en el anyo 1899 por los fransezes, en el Monte de Hristos. En realidad iva ser un otel, konstruido por el Konde Moris Bostari.
Ama kuando la entreprisa franseza no pudo obtener lisensia por un tipo de otel/kasino, lo vendio.
El Patrik III. Yoakim profito de esta oportunidad i konvensyo a Eleni Zarifi, una sinyora ke era muy rika akel tyempo, para ke eya lo kompre. Sinyora Elena Zarifi kompro la estruktura por 3700 oros, i izo la mantenensya del edifisio kon 1000 oros.
En el anyo 1902, la patrikhane tomo el edifisio i empeso a las ovras.
Este edifisio fue konstruido por el arkitekto Alexandre Vallaury, tyene una altura de 102,5 metros i una anchor de 25-30 metros.
Este Orfelinato desho de funksyonar en el anyo 1964 i un proyekto de restorasyon empeso en 2020, por la munisipalidad de Estambol.
Aki ay algunas fotos del edifisyo ke fueron tomados por mi amigo, Efe Tan Egeli.
