“Pascal” dize:
“La Reushita es la fruta de tres kozas”:
El talento es la kapachita natural de una persona, el potansyel para realizar una aktividad. Por egz: Tener talento para kantar, para eskrivir un livro, para desinar i otras kozas…
Todas las personas tyenen uno u munchos talentos, ke dan lugar a abilidades diferentes. Kale el esforso, i la motivasyon. Las personas nasen kon un talento.
Egzemplos de talentos:
Ken es konsiderado el padre del talento umano?
“Peter Drucker” afirmo ke lo emportante del konosimyento, la intelijensya de las personas, es su kapachita para produsir rikeza. El defino el talento umano komo: los programes de formasyon ke bushkan a mijorear el rendimyento de la persona.
Tipos de talento:
Kualos son los talentos personales:
El grande umanisto fransez, Albert CAMUS eskrivyo ke kada jenerasyon kreye ke eya es destinada a re-azer el mundo. La muestra portanto save ke eya no puedra re-azerlo, ma su lavoro es puede ser mas difisil a kumplir.
Este lavoro konsiste en detener el mundo de dezaserse.
Del empisijo del 21en siglo, mos topamos en una atmosfera de trajediya. Kada dia muertos, padres i madres ke pyedren a sus ijos i munchos otros dezastres.
Sin esforso no ay lavoro, sin lavorar no ay reushir en la vida.
LA SHANS, es muy emportante para la reushita.
La shans u la buena fortuna es un poder sovrenatural ke segun se kree organiza las koensidensyas, proteja kontra el mal u prepara buenas situasyones para las personas.
Los objetos ke se kree ke tyenen este poder se yaman objetos de la shans.
La reushita depende de la shans u del talento?
Ay una koneksyon entre los dos. La relasyon entre la shans kon el lavoro son inseparables para la reushita.
Kualo es la Shans: La shans es una fuersa sovrenatural ke se kree, ke organiza las koensidensyas kasuales, i prepara situasyones buenas u malas para las personas.
La shans es la fuersa ke kavza eventos ke no puede eksplikar ni la lojika.
De esto estamos entendyendo keridos ke, por reushir en la vida, el talento, lavorar muncho i la shans son los objetos emportantes ke no puedemos separar los unos de los otros.
Esto arrogando al Dyo, para ke los mansevos ke tyenen famiya, kriyaturas chikas, ke el Dyo les de azlaha i beraha para pueder abasteser a los gastes de eskola, vistimyenta i otras kozas… Ke lavoren muncho, ke tengan shans en la vida i ke seyan reushidos en todo modo de espasyo ke dezean.
