7 Mart 2021 Pazar 11:32
vakko
vakko

El Muzeo Djudio d’Estambol i Muestra Kultura

Silvyo OVADYA Köşe Yazısı
19 Aralık 2018 Çarşamba

Tengo la kuriozidad de segir buen karar de vendidas kon Kompetisyon (müzayede) de efimeras (todo modo de papelikos, satanikos). Esto empeso vente-ventisinko anyos antes. La djente kedo sin paras i empesaron a vender lo vyejo ke teniyan en los kashones! Ma lo mas muncho si vos enteresa puedesh topar kozas muy enteresantes. La semana pasada di al muze syertas kozas. Las dos primeras eran emprezentadas por dos amigos ke toman lugar en el Konsilyo de los Konsejeros de muestra kolektividad.

  El primer era un kuti para meter tabako i ke aparteniya a un soldado Djudio Turko kon su nombre eskrito en ebreo, en letras latinas i kon el alfabe de los Otomanos. I avia ensima la data de 1915. Esto signifika ke los djudios fueron en la armada Otomana i Turka durante la Gerra de los Balkanes i despues durante la Gerra de la Salvasyon (Kurtuluş Savaşı).

 El segundo era una moneda diferente si devemos de deskrivir (tanımlamak). Kualo es diferente? Una moneda formada de un chiko pedaso de papel i ke fue inprimada por la asosyanyon de los ke ayuda a los proves en İzmir (Asosyasion Djudia). I reelmente era una moneda kontrarya (aykırı) ke no se vido en estas vendidas de kompetisyon. I kuando estava en el muzeo, la direktrisa Nisya Allovi me disho ke tyenen un livro ke kontyene mizmo este djenero de monedas. Imediatamente miri en el internet i topi el livro para merkarlo. Reelmente es un livro muy enteresante i devemos de azer una ekspozisyon si la direksyon del muzeo acheta, kon los orijinales de estas monedas. I embiyi imediatamente un mail al eskrivano del livro ke mos puede ayudar. I me dyo repuesta dizyendo la data ke va tornar a Estanbol. En el livro vemos mas de 30 monedas de Sinagogas; una de una asosyasion i dos monedas de eskolas. Reelmente es muy enteresante de saver esto.

 Les di de mi koleksion de Efimera una broshura de un konsyerto ke Yehudi Menuhin ke tuvo lugar en el Sinema Saray en el anyo 1951. I un program de la vijita del ekipo de futbol Israelyano ke izo un mach de futbol kon el ekipo Turko el mizmo anyo. La tresera era una kantika kon las notas del famozo kompozitor de muzika turka, el Sinyor İzak Varon. Todo esto mos amostra la rikeza de muestra kultura i muestro pasado.

 I tres semanas antes, kuando vijiti mi primo, le demandi si dainda se topava en su kaza el takum de Brith Mila del granpapa de su mujer. I me disho “Si”. I avli kon su ijo para dar al muzeo durante sinko anyos esto todo. I acheto.

 No se si oyitesh. El muzeo esta azyendo una ekspozisyon de Megilat Ester una semana despues de Purim. Komo dizimos, “Despues de Purim platikos”. Esta vez vamos a dizir “despues de Purim, Megilas”. Reelmente esta ekspozision va ser una okazyon para pueder ver la rikeza de muestro patrimonyo relijyozo.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR