7 Mart 2021 Pazar 12:36
vakko
vakko

La Kultura”: elemente emportante para azer konoser una komunidad (2)

Silvyo OVADYA Köşe Yazısı
16 Ocak 2019 Çarşamba

La semana pasada en mi artikolo empesi a eskrivir sovre este sujeto. Ma no reushi a terminar todo lo ke penso. En Estanbol tenemos un muzeo ke se avrio en el anyo 2001 kon los esforsos de la Fondasyon de los 500 anyos. I kon los esforsos de los sinyores Jak Kamhi i Naim Güleryüz. Anyos despues uvo grande trokamyentos mizmo en los artikolos ke son ekspozados. Una istoria se realiza kon todo lo bueno i lo negro. I kreo ke despues ke el muzeo troko de lugar i vino en una partida de la sinagoga de Neve Şalom kon la mueva administrasyon, dyeron lugar a syertos evenimyentos ke no fueron pozitivos en muestra istoria. El Muzeo reelmente es un instuto muy emportante para muesta kultura i para azer konoser muestra istoria al puevlo.

El muzeo komo esta empleando una partida del Sentro Kultural de Neve Şalom tyene la oportunidad de organizar ekspozisyones i lo esta azyendo. I deven de kontinuar a azer ekspozisyones anyo entero. I las personas ke pasan por esta kaye deven de tener la oportunidad de vijitar las ekspozisyones.

En la Sinagoga de Andirne ke es el monumento el mas vijitado por el puevlo i los turistos tenemos de menester de dar enformasyones en turko i en inglez a los ke vijitan esta sinagoga. Ay diyas ke mas de kinyentas personas estan vijitando esta sinagoga i no los estamos ayudando para enformarlos. No se si en el muzeo egziste instrumentos audios ke kontan sovre la sinagoga de Neve Şalom o sovre la istoria de los Djudios de muestro pais. Kreo ke lo ke se deve de azer en primero es de aprontar un telefono audio para vijitar el muzeo entero. I devemos de adjustar munchas kozas a muestro muzeo merkando siertos artikolos de diferentes vendidades de artikolos de antikita o efimeras (eski belge müzayedesi). 

Muestro muzeo kon el Sentro Kultural de Neve Şalom deven de ser un lugar ande se pueden organizar konferensias i aktivitades kulturales a los miembros de muestra komunidad i al puevlo.

Ya se ke despues de Purim van azer una ekspozisyon sovre las “Megilas” para azer konoser al puevlo muestra rikeza de furnimentos relijiozos. I devemos de kontinuar a azer ekspozisyones asemejantes. Tenemos munchas mapas i munchos parohetes en el Gran Rabinato. Puedemos restorarlos i meterlos en las paredes dispuestas de la Sinagoga de Neve Şalom. I todos los ke vijitan este templo van a tener la posibilidad de observarlos.

Ay dainda munchas kozas de azer; ma esto se va realizer a poko, a poko …

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR