18 Eylül 2021 Cumartesi 01:53
izmir marriot
izmir marriot

Festival Internasyonal de Kuentos i Konsejas

Silvyo OVADYA Köşe Yazısı
3 Nisan 2019 Çarşamba

Es dos semanas antes, dia de Shabat despues el dezayuno ke estava meldando el suplemento de la gazeta Hürriyet. Los suplementos ke son publikados diya de Shabat kreo ke son las medias las mas efikaches (etkin) en las aktividades sosyales i kulturales. I kada fin de semana ago lo posible para pueder meldar estos suplementos. En la oja dalkavo estava eskrito “Dersaadet’te bu olanları biliyor musunuz? / Ya savesh lo ke afita en Dersaadet” (un byervo vyejo ke fue empleado para Estanbol.

I estava eskrito ke se estava organizando un festival Internasyonal de Kuentos i Konsejas. I demandi de mi para mi? De ke no mos demandaron de partisipar a este festival kon kuentos en Judeo-Espanyol? Bushki en el internet komo puedo avlar kon los organizatores i dyes puntos despues me telefono el sinyor ke se yamava “Muzip Masal Cini” i le demandi “Komo no te vino al tino de yamarmos a este festival?” No savesh ke el Judeo-Espanyol es la lingua ande topas dichas, proverbos, kuentos i konsejas?” Me respondyo ke organizaron el program. No lo deshi repozado i le dishe ke este es un mazal ke te vino al pie, i no deves de refuzarmos. Tres oras despues me telefono dizyendo ke estavamos invitados a este festival solo para kinze puntos. Immediatamente bushki a Süzet Herman, Forti Barokas, Şeli Gaon i Anna Eskenazi i les demandi si pueden kontar konsejas de Djoha, porke son muy serka de los kuentos de Nasrettin Hoca. I empesaron a lavorar. Les di los nombres; me disheron ke no kalia meldar, kalia solo kontar. Dishe ke kon Süzet no es problem porke a eya no le plaze meldar! Despues les dishe si kontamos en Djudezmo ken va entender? Kale tresladar! I demandi a Henri Çiprut si keriya meldar las traduksyones? Acheto immediatamente. Todos artistos! I noche de Shabat deshimos muestras famiyas en kaza para realizar este buto. En Kadıköy topimos el salon ande se estava realizando el Festival. I despues de una media ora las artistas empesaron a kontar en muestra lingua en judeo-Espanyol. Kedaron serka de media ora en la shena. Reelmente tuvyeron un sukseso muy emportante. Los espektatores les estavan demandando despues del espektakolo de kual kurso se ambezaron a kontar konsejas? No saviyan ke los ke avlan muestra lingua deven de kontar kuentos i saver munchas dichas i refranes.

  Eskapimaos el diya en mirando un grego ke mos konto konsejas i mos kanto syertas kantikas en kontando. I el Amante (Aşık) orijinaryo de Kars mos konto i mos tanyo kon el ud. Reelmente estava una maraviya lo ke sintimos esta nochada en un salon de ochenta personas. Kero rengrasyar a todos ke partisiparon para azer konoser muestra lingua. Tenemos mizmo el video de este program ma no es fasil de meterlo en la gazeta. Ma kreo ke lo puedemos meter en el internet.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel