7 Mart 2021 Pazar 13:25
vakko
vakko

Syertas aktividades kulturales

Silvyo OVADYA Köşe Yazısı
31 Temmuz 2019 Çarşamba

La semana pasada vos avli sovre la konferensya del famozo djornalisto Ertuğrul Özkök de dyo una konferensya en el Anadolu Kulübü ande tuvo la posibilidad de esbafar. I malorozamente no topi la okazyon de avlar sovre el konsyerto del Koro Nes. I es la mizma semana ke İzzet Bana kon 20 koristas, una mas kapache de la otra, dyeron un konsyerto ke fue tratado por Forti Barokas en el Şalom. Reelmente fue un konsyerto muy reushido. Es la segunda vez ke organizamos este konserto en el Klub Anadolu. I tyenen bastantes klientes ke vyenen a oirlos. Kero felisitar İzzet Bana i todo el grupo por sus esforsos. En este diya avlando al nombre del Klub, les sueti de azer un CD i les dishe ke el Sentro Sefardi va ser pronto para una produksyon asemejante. Esto admirando İzzet Bana porke no keda repozado i kada diya pensa lo ke puede azer para realizar muevos proyektos. Ya se ke esta aparejando un muevo CD kon las Estreyikas d’Estanbol para un proyekto ke estan realizando en Israel. Noche de alhad avlando kon İzzet me embiyo syertas kantikas en YouTube. I este modo me akodri lo ke el Dostluk Yurdu realizo ocho anyos antes en 2011 kon una orkestra sinfonika, un konserto formado de kantes sefaradis (romansas o kantes liturjikos). Deke no realizar de muevo un konsyerto asemedjante i mizmo enrejistrar el konsyerto para azer un CD. I en este konserto dar una plasa emportante al Koro Nes i mizmo a las Estreyikas d’Estanbol para unas kuantas kantikas.

Vos kero dar haber de dos otros konsyertos ke se van realizer en el mizmo lugar; en el Klub Anadolu. El primer es el konsyerto de la famoza kompozitora Fani Hodara ke va dar un konserto el 4 del mez de Agosto a las 19.00 i el segundo es el konserto de la pianista Renan Koen ke va tomar shena el 31 del mez de Agosto a las 19.00. Kero rengrasyar i felisitar estas dos artistas porke azen un grande esforso i no son pagadas por sus esforsos.

Este anyo el evenimyento el mas importante en las Islas va ser la aktividad del Bienal d’Estanbol. Reelmente es un evenimyento artistiko muy importante porke serka de kinyentas mil personas partisipan a este evenimyento en Estanbol i estan dizyendo ke mas de syen i sinkuenta mil de esta populasyon estan vinyendo a la Isla de Prinkipo (Büyükada). Este anyo el Klub Anadolu va ser el Sentro del Bienal en la Isla. Por una grande partida de djente, puedeser ke este evenimyento no sinyifika nada ma mi opinion es ke es una koza muy importante.

 En el mez de Septiembre, una fundasyon ke el sentro se topa en Londres “Levanten Heritage Foundation” esta organizando una konferensia sovre la istoria de los Levantenes en las Islas.

Reelmente esto va ser una konferensia muy emportante. No se si lo savesh ma el empesijo del klub Anadolu en la Isla Prinkipo fue el “Prinkipo Yatch Club” fundado por un inglez medyo loko ma korajozo.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR