24 Ekim 2021 Pazar 09:50
Op Dr Mücteba Gündüz

Vayakel – Pekude

Rav Yeuda ADONİ Köşe Yazısı
18 Mart 2020 Çarşamba

En el livro Shemot la fragua del Mishkan, el santuvaryo okupa un lugar muy grande. Kuatro perashiyot son apropyadas para esta ovra. En las parashiyot Vayakel i Pekudo vemos ke se termina en fragua del santuvaryo, i ya esta pronto por azer el estrenamyento. La enkomendansa de guadrar el Shabat, en la perasha Ki Tisa vyene despues de la enkomendansa de la Fragua de el Mishkan. En la perasha de Vayakel vemos enprimero el Shabat i despues la fragua del Mishkan.

En la perasha de Ki Tisa, despues de la nominasyon de Betsalel i Aoliav komo kapos maestros, mos enkomenda el Kriyador la grandeza de el diya de Shabat. El sinyor de Rashi eksplika dizyendo malgrado ke vash a ser,okupados kon vuestros echos, el Shabat no volo vash a olvidar. Antes de enkomendar la enkomendansa de la fragua, estamos enkomendados de santefikar el Shabat. Ibn Ezra lo entrepeta este verseto dizyendo: malgrado ke somos ovligados de azer el komando de el Todo Poderozo, tambien somos ovligados de no ezbivlar el diya santo de Shabat. Komo lo developa Rabi Moshe be Nahman, sesh diyas vash a lavorar en la fragua del Mishkan i no el syeten diya porke es santo para el Kriyador. Tambien el diya de Shabat va ser santo i para vozotros. En el livro Tora Temima dize, ayegar sakrefisyos era un dover grande i spiritual en el tyempo de el Bet aMikdash i tambien se aziya korbanot en diya de Shabat. Porke razon la fragua del Mishkan no fue permetido en Shabat? La repuesta es ansi. Los korbanot tyenen un tyempo fikso por ayegarsen, si paso su tyempo se puede baldar, de ayegar esta sakrifisyo i se puede pasar una enkomendansa de la Tora pero, por la fragua de el Mishkan no fue taksado un tyempo.

El Talmud konta la ora ke Moshe Rabenu estava entremetido en el lavoro del Mishkan no se akonsejo kon los dirijentes del puevlo. Les desplazyo muncho a los dirijentes, de el puevlo. Enpesaron a traer piedras presyados ke eran menesterozos para el Mishkan.

En el livro Mishle, Shelomo Ameleh dize: Pensamyentos, kon konsejas se konfirman. Tambien en el livro Yehezkel vemos: i bushkaron vizyon de el profeta, i konsejos de los viyejos. De estos versetos entendemos ke Moshe Rabenu deviya akonsejarse kon los kapos de la nasyon.

Moshe Rabenu teniya razon, el plano de el Mishkan el Todo Poderozo se lo amostro a Moshe rabenu. Todo ya estava pronto de parte de el Kriyador. Una koza ke esta enkomendada de parte de el Kriyador no es derecho de akonsejar de afirmarlo o no.

Ma vemos en el Talmud ke el Kriyador se akonsejo kon Moshe Rabenu por la nominasyon de Betzalel. Moshe Rabenu le responde a el Kriyador, Tu si lo ves pertenesyento ya no te puede dizir nada. Le dize el Kriyador, malgrado todo va akonsejate kon el puevlo i demandalos. El puevlo responde dizyendo, el Kriyador, i tu si lo ves pertenesyente a Betsalel por fraguar el Mishkan nozotros ke puedemos dizir?

Kon dyes mandamyentos fue kriyado el mundo. I ke deprendimyento? Para dizir: i desyerto kon mandamyento uno puedia ser por ser kriyado salvo, por panarse de la malos ke depeyedren a el mundo ke fue kriyado kon dyen mandamyentos. I por dar presyo bueno a los djustos ke sostyenen a el mundo ke fue kriyado kon dyes mandamyentos. Este paragrafo lo meldamos en el livro Pirke Avot.

Este paragrafo ke meldamos en el sinken perek nos enbeza ke el Kriyador por dar muncha paga a los tsaddikim, a las personas djustas, kriyo a el mundo kon dyes dichas, mandamyentos ke el puediya kriyar a el mundo kon un dicha.

Porke los tsaddikim las personas djustos sostyenen a el mundo? Komo dizen nuestros savyos, El mundo se sostyene sovre la ley i sovre el sirvisyo, i sovre la bienfezensya (dicha de Simon el djusto). I Raban Shimon be Gamliel dize: Sovre el djuisyo sovre la verdad i sovre la pas el mundo se sostyene.

El Mishkan, el santuvaryo ke enkomendo el Kriyador a Moshe Rabenu de fraguar mezzo de Betsalel, senboliza a el mundo. Tambien el Bet Amikdash ke fragua Shelomo Ameleh era el mundo de el djudyo. Komo dize en el midrash, todo lo ke egziste en el mundo egziste en el santuvaryo. Komo meldamos en la perasha de Yitro, en todo lugar onde enmeterash mi nombre, vendre a ti, i te bendizere. Sigun la eksplikasyon de el sinyor de Rashi, en todo lugar onde enmenterash mi nombre, es el Santuvaryo.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel